أخبار

طارق الحكلاوي: الرئيس مش قابل إنو ما نجحش في تطبيق أشياء قالها

علق طارق الكحلاوي كرونيكور برنامج في 90 دقيقة على إي أف أم، اليوم الاثنين 3 أكتوبر 2022، على تصريحات رئيس الجمهورية قيس سعيد يوم السبت الفارط خلال زيارته لمدينة بني خيار لحضور الجلسة التمهيدية التأسيسية لأول شركة أهلية.

وقال الكحلاوي:” قداش عنا نستناو في موضوع الصلح الجزائي… الرئيسو تحسو محلك سر ويعاود في نفس الموضوع ونفس الحكايات ما هوش قابل اللي في النهاية اللي فما أشياء قالها وما طبقهاش أو ما نجحش في تطبيقها إلى حد الآن، موضوع الصلح الجزائي وجدو في السلطة وعندو وزيرة العدل هي المعنية بإنجاز الأوامر والمضمون متاعو، والأموال المنهوبة وقتاش معنتها انت توة اللجنة اللي عندك شكلتها حتى قبل 25 جويلية وانت هذا الدوسي كان عندك آش عملت وكيفاش قدمت فيه يعني إذا كان الدوسي أصلا قانونيا وقضائيا البرة ما فدمتش فيه وقتاش بش يجيو الفلوس، إذا كان الشركات الأهلية هاذيا بش تقعد تستنى في موارد مالنوع هذا اللي أصلا مازالت ما تحركت مالخانة اللولى متاعها وقتاش بش يجيك التمويل، إذا كان النموذج هذا الكل قايم على موضوع الصلح الجزائي، الصلح الجزائي هاو انت عندك السلطة أكثر من عام وما قدمتش فيه على مستوى عملي وترتيبي، لهنا عمليا قاعد يقول اللي أنا في مأزق كي أنا قاعد نعاود في نفس الكلام ونفس الحكاية وعندي كافة الصلاحيات ونرجع في عناصر الخطاب متاع العادة فما مشكل، أنا نقول اللي حتى موضوع الشركات الأهلية هو شبهها بتجربة جمنة وهذا معقول… أنا وفرت الإطار القانوني، لهنا أنا واحد مالناس في حالة مالنوع هذا أنا شديت الأمر الرئاسي متاع الشركات الأهلية وقريتو كتاب حقيقي.. السيدة والية نابل بشكل خاص هي مركزة عالموضوع هذا علاش، اللي هي معروفة من قبل هي موجودة فيما يسمى مجموعة المشروع اللي حول الرئيس اللي كانت تؤمن وموجودة من قبل معاه، وتدافع عالموضوع هذا عندها مدة… ماللي ت والية قاعدة تخدم عالموضوع واختارت رمزيا، نوعا ما من جانب الولاء لشخص الرئيس اختارت موطن الرئيس الأصلي بني خيار… كان يبدو الهيئة متاع الغابة فيها 900 هكتار اللي موجودة في بني خيار، نوعا ما الإطار موجود أما خلقولو الصياغة أو الغطاء القانوني ماناش بش نعرفو كيفاش بش يكون تمويلها بشكل خاص قداش بش يقعد التأسيس متاعها، أنا شفت على مستوى الأوراق المطلوبة أعقد حتى من شركة عادية، مازال غامض”…

الرابط:اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى