تصريح اليوم

لطفي المرايحي يهاجم قيس سعيد

يا سي قيس سعيد تفضل

هاذي المية و هذا الغطاس…

هانا نشوفوا فيك

قلت خطر داهم،

شنوة عملت في شهر كامل؟

وينو الخطر الداهم ؟

ويني الناس اللي وقفتها…؟

حكايات فارغة توقف في ياسين العياري و تصفي في حسابات شخصية مع المعارضين فقط…

ويني الثروات…؟

ويني الأموال اللي حكيت عليها؟

ماك كنت تقول اللي عندنا أموال متلتلة ولا!!؟

تفضل هاذي بلاد فيها أموال متلتلة كيما كنت تقول إنت…

وتفضل هاو البلاد قدامك و ورينا مشاريعك.

أما موش تمشيلي لفوشانة تشوف في طرف حديد…!

في بلدان العالم الكل فما إحتكار، ياخي كيف نحب نشري الذهب و نكدسو ومانخرجوش للسوق تحكم فيا إنت…!

هذا في العالم الكلو موجود…

ويني السلطة والقدرة التعديلية متاع الدولة، ماو تتدخل الدولة و وزارة التجارة وتغرق البلاد بالحديد أتو يقعد باير هاك الحديد اللي عندهم…

تحكي على البطاطا و ماشي للمخازن اللي هي اصلا عملتها الدولة لتعديل السوق… وإذا صار إحتكار تجيبلهم وزارة التجارة البطاطا من برة تغطسهم أتو تقعد خامجة على قلوبهم موش كلام فارغ و رشكلو تخلع بيه المخازن متاع البطاطا المبرمجة للإستهلاك شهر سبتمبر و أكتوبر…!

وبعد هذا الكل أسعار البطاطا زادت غلات!

الحاجة الوحيدة الصادق فيها قيس سعيد هو و قت قال مانفهم شيء في الإقتصاد…

والإنسان اللي مايفهمش في الإقتصاد ماينجمش يحل مشاكل تونس…

ينجم قيس سعيد يجيب الناس اللي يفهموا في الإقتصاد لكن مايجيبهمش خاطر ماعندو ثقة في حتى حد…! ماعندوش قدرة للإنصات !

قلتهالكم من قبل مايعرفش يسمع…

اللي قاعد يصير لتونس حاجة باهية خاطر باش يخلصنا من الشعبوية لأنها مرض كبير برشا…

تفضل يا زعيم يامفدى هذه المية وهذا الغطاس…

ياصاحب الفكر ياصاحب التصورات تفضل…

تفضل هاي البلاد في يدك…

ورينا و الأيام بيننا

  •   بالمرصاد للثورة المضادة

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى