تدويناتمختارات

تدوينات … بوعجيلة : الوضع السياسي التونسي معقد و متغير … ولا أحد من السياسيين ظلت مواقفه وتقديراته ثابتة في تونس

السياسي

بقلم : الحبيب بوعجيلة

كتب المحلل السياسي الحبيب بوعجيلة هذا نصها:

ايقاع تغيرات مواقف التيار او حركة الشعب هو نفس ايقاع تغيرات مواقف النهضة و الكرامة و قلب او غيرهم …هناك انتقادات لا موضوعية فيها لتغيرات مواقف الشعب و التيار على اساس الاخرين مواقفهم ما تغيرتش …الوضع السياسي التونسي معقد و متغير و فيه جوانب غموض بقدر جوانب الوضوح و ما ثمة حتى عبقري سياسي قعدت مواقفو و تقديراتو ثابتة في تونس من عام 2011 و هذا امر طبيعي …يزي مالمزايدة على بعضكم …و فازة مانا قلنالكم قبل و ” كما سبق ان اكدنا سابقا ” ما ينجم يقولها حتى طرف و لا حتى شخص …ثمة اوضاع سياسية تتحرك يوميا و تقديراتك الحزبية و الا الشخصية مرة تصح و مرة ما تصحش …العباقرة الي يقولو ” كما سبق ان اكدت لكم ” ننجمو نخرجولهم مواقف تضحك بتناقضاتها …و في الاخير هاذيكا هي السياسة …تقديرات و مش علم صحيح و ماهيش عقائد دينية …هاتوا نقيم كل تقدير في اطاره الزماني و المكاني …هذا يفيد خير …كفوا عن هذا القرف …السياسة مواقف فيها المجازفة و المقامرة …هي على العموم شبيهة حتى بالبحث العلمي …الي قاري الابيستيمولوجيا في اخر تطوراتها توة يكتشف انو النظرية العلمية نفسها تبدأ بفرضية مجازفة …الكسرة تحت الزاي ….رمية نرد …ايا فكو علي ما عرفتش نعبر ببساطة و كل حد يفهم كيما يحب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى