أحزاب

مدوّن تونسي يلخص بطريقته ما يجري من صراعات بين فرقاء حزب النداء

السياسي____

#بالمختصر #المفيد
#القصة وما #فيها هاني نعاود #نحكيها

برهان بسيس كان عندو ملفات وهذا احدها وكان خايف منهم …..لكن يوم فتح حافظ المحضنة لحماية اي صاحب ملفات ثقيلة واكيد تتذكروا تلك التنزيلات على صفحة النداء فلان ينضم الى النداء وعلان يدخل الى حركة النداء ويصوروه وهو يسلم على مول الباتيندة وبعد جالس يهدرز هو واياه ..وطبعا ميمونة تعرف ربي وربي يعرف ميمونة فكل واحد عارف شكون الاخر والثنية باينة وواضحة …..؟؟؟

بر يا زمان تعالى يا زمان تعارك حافط ويوسف بعدما فد الشاهد من تدخلات ولد السبسي ليلا نهارا ويوم الاحد وحتى نهار الاثنين الصبح بكري ” في عينلي فلان عينلي فلتان لا هذاكا نحيه وهات الاخر وهاكا بعدوا والاخر ارميه في الحبس الخ الخ …ففاضت كاس الشاهد وقرر يتقوى ويعمل جناح يتمرد به على حافط فصنع فريق حوله في القصبة وبدا برفض طلبات حافط ….ومن ثمة بدا التشنج بينها حتى ظهر للعلن وتحول الى عركة الي مازال نعيشوها الى اليوم ورجعنا لحكاية يا تخرج يا نمرمدوك ..لكن الشاهد كان حاضر في تمرميدة الصيد واكيد فهم اللعبة مليح وتسلح ..
العركة بدات تكبر بعد حبس شفيق جراية وبعض مساعديه واتباعه وتواصلت تتقوى وتزداد خروج للعلن لا وزيد اقحم فيها الرئيس الباجي وبعد دوروا معاهم حتى الاتحاد للتخلص من حفيد راضية الحداد الي هو ولدهم وهم الي جابوه لكن عجزوا وغلّب عليهم وزاد شكب عليهم مؤخرا بفتح جبهة في البرلمان اي عمل كتلة وصلها اليوم الى 47 نائبا اي اكثر من النداء الي قعد فيه كان 42 وماشي باش ينقصوا اكثر في قادم الايام اذا موش الساعات القادمة…

الشاهدحس بنصره عليهم واكيد حب يكبسهم اكثر ويزيد يوريه الي هو اقوى اليوم فمسهم في احد ابواقهم وحرك ملف برهان الي جلسته اليوم ورجعلوا سفساريه لكن للحظات حيث بسرعة تم تنفيذ الحكم والقي الفبض عليه ودكه في بوفردة…

يقول القائل هذا هاهو خطر على الدولة وهاو لعب او عرك كبير وبمؤسسات الدولة انقلو لكن هو في النهاية فخار يدقدق في بعضو وما تم تنفيذه في بسيس هو صحيح والقضية موجودة وموش مفبركة ومادام عمل بيدو يجب ان يخلص وما هوش مظلوم حتى ندافعوا عليه او نتضامنوا معه…

احنا كشعب زوالي مزمر يجب ان نبقى على الحياد نتفرجوا من بعيد وهم خليهم يواصلوا عركهم فلا ندعم هذا على ذاك ولا يهمنا فيهم المهم نتمنوا يصفوا امورهم فيسع دون ان يدخلونا بلادنا في حيط فنحن كشعب عياش همه قوته ومشاغله وغيرته على بلاده فقط …وزيد لا جمعناهم قبل ولا كنا سبب تفرقتهم وعركهم الان وهم خليهم يتعاركوا و العظم الرهيف الله يكسرو ويحفظ تونس ويحميها…الحصيلو ما انغير ما نطول عليكم هذا بعض من #القصة والاكيد انكم كلكم تعرفوها …..و #هاظاكهو

#بالمختصر #المفيد…#القصة وما #فيها هاني نعاود #نحكيها برهان بسيس كان عندو ملفات وهذا احدها وكان خايف منهم …..لكن…

Publiée par ‎محمد ضيف الله‎ sur Mardi 2 octobre 2018

 

محمد_ضيف_الله

المصدر: الصفحة الرسمية للكاتب بتاريخ 02 اكتوبر / تشرين الاول 2018

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى